أغنية بوش والجذمة
خلاص مالكش لزمة . . . يا بوش يا بن الذين
تستاهل ألف جزمه.... على اللي انت عملته فينا
الجزمة كانت مفاجأة .... تمام زى الزيارة
الدنيا بحالها فرحت ....والناس فضلت سهارى
***********
يا قلوب كتير حزينة.... قومي يالا أتبسمي
شوفي بوش وهو خايف.... والجزمة بتترمى
بصراحة مقدرش أغشك .... وأقول زعلت عليك
ياريتها جت في وشك وخزأت لك عنيك
********************
صدام اللي انت دبحته .... في أول يوم العيد
أهو أخد بتاره منك....وفى نفس المواعيد
تحية عشان منتظر .... وتحية لجزمته
فرحنا فى بوش أخيراً .... على آخر خدمته
*******************
بجزمتين في وشك .... هتسيب أمريكا على نارك
ويا عينى مش هتلحق .... يا بوش تاخد بتارك
فيه ناس كتير بسببك .... فى الدنيا متبهدلة
بتقول يا ريتها كانت .... صاروخ أو قنبلة
**************
العالم كله شافك .... وبالسعادة حس
والجزمة زى الكورة .... وداخله فى المقص
مليون شهيد وأكتر .... فى الجنة فرحانين
ربك كبير وقادر .... يهد المتفرعنين
وايــــــــــــــه [center]
موضوع: بوش والجزمة 
السبت ديسمبر 27, 2008 5:49 pm